కడప జిల్లా బద్వేల్ శాసనసభ్యులు వెంకటసుబ్బయ్య అంత్యక్రియలు కడపలోని ఆయన పొలంలో అధికార లాంఛనాలతో పూర్తయ్యాయి. వెంకట సుబ్బయ్య అనారోగ్యంతో బాధపడుతూ నిన్న ప్రైవేట్ ఆస్పత్రిలో కన్నుమూశారు. కడప కో - ఆపరేటివ్ కాలనీలోని ఆయన నివాసం నుంచి అంతిమ యాత్ర ప్రారంభమైంది. ఉపముఖ్యమంత్రి అంజాద్ బాషా, మేయర్ సురేష్ బాబు తోపాటు కలెక్టర్ హరికిరణ్, ఎస్పీ అన్బురాజన్, పలువురు శాసనసభ్యులు హాజరయ్యారు.
పెద్ద సంఖ్యలో ఆయన బంధువులు అభిమానులు, కార్యకర్తలు, నాయకులు తరలివచ్చారు వచ్చారు. అధికార లాంఛనాల్లో భాగంగా... పోలీసులు గాలిలోకి మూడు రౌండ్లు కాల్పులు జరిపారు. అనంతరం కుటుంబీకులు అంత్యక్రియలు పూర్తి చేశారు. వెంకటసుబ్బయ్య భార్య పిల్లలు కన్నీరుమున్నీరుగా విలపించారు.