కడప జిల్లా జమ్మలమడుగు మండలం ధర్మాపురంలో అప్పుల బాధతో రైతు ఆత్మహత్య చేసుకున్నాడు. పోలీసుల వివరాల ప్రకారం.. గ్రామానికి చెందిన రమణయ్యకు 8 ఎకరాల పొలం ఉంది. గత కొన్నేళ్లుగా సరైన దిగుబడి, పంటకు రేటు లేక.. పెట్టుబడి కోసం చేసిన అప్పులు పెరిగిపోయాయి. ప్రస్తుతం అతనికి రూ. 10లక్షల వరకు అప్పు ఉంది.
ఈ క్రమంలో శుక్రవారం సాయంత్రం ఇంటి మిద్దె పైకి వెళ్లి పురుగుల మందు తాగాడు. గమనించిన కుటుంబసభ్యులు ఆసుపత్రికి తరలిస్తుండగా మార్గమధ్యంలో మరణించాడు. మృతుడి భార్య ఫిర్యాదు మేరకు కేసు నమోదు చేసినట్లు పట్టణ సీఐ మధుసూదనరావు తెలిపారు.