కడప జిల్లా రాజంపేట పట్టణం మంగలమిట్టలోని ఓ ఇంట్లో గ్యాస్ లీకేజీ ఘటనలో.. ఐదుగురు తీవ్రంగా గాయపడ్డారు. తెల్లవారుజామున ఈ ఘటన జరిగింది. గ్రామంలోని ఓ ఇంటిలో ఆదివారం నూతన గ్యాస్ సిలిండర్ను అమర్చారు. ఆ సమయంలో గ్యాస్ లీక్ అయినప్పటికీ కుటుంబ సభ్యులు ఎవరూ గమనించలేదు.
తెల్లవారుజామున లైట్లు వేయగా ఒక్కసారిగా మంటలు ఎగిసిపడ్డాయి. ఈ ప్రమాదంలో ఇంట్లో ఉన్న ఐదుగురికి తీవ్ర గాయాలయ్యాయి. వీరిని స్థానిక ఆసుపత్రికి తరలించారు. ప్రథమ చికిత్స అనంతరం మెరుగైన వైద్యం కోసం కడప రిమ్స్కు తరలించారు.