కడప జిల్లా పులివెందుల నియోజకవర్గం లింగాల మండలంలో ఓ రైతు ఆత్మహత్య చేసుకున్నాడు. కర్ణ పాపయ్య పల్లి గ్రామానికి చెందిన రాఘవేంద్ర అనే రైతు.. తనకున్న రెండెకరాల పొలంలో పంటను సాగు చేసుకునేందుకు అవసరమైన పెట్టుబడి కోసం అప్పులు చేశాడు.
పంటకు నీరు అందించడానికి భూగర్భజలాలు అడుగంటడంతో 2 బోర్లను వేశాడు. కరోనా కారణంగా పనులు లేక అప్పులు ఎలా తిరిగి చెల్లించాలో అర్థం కాక.. ఆత్మహత్యకు పాల్పడ్డాడని కుటుంబీకులు తెలిపారు. పులివెందుల ప్రభుత్వ ఆసుపత్రికి తరలించి చికిత్స అందించినా ఫలితం లేకుండా పోయిందని ఆవేదన చెందారు.