ఏపీలో రాక్షస పాలన సాగుతోందంటూ మాజీ మంత్రి ఆదినారాయణరెడ్డి, బీజేవైఎం నాయుకుడు శ్రావణ్ కుమార్ రెడ్డి ఆరోపించారు. రాష్ట్రంలో ఎస్సీ, ఎస్టీ, బీసీ వర్గాలు, ప్రతిపక్ష నాయకులపై జరుగుతున్న దాడులపై కేంద్ర హోంశాఖ సహాయమంత్రి కిషన్రెడ్డికి ఫిర్యాదు చేశారు. దిల్లీలో ఆయనను కలిసి రాష్ట్రంలోని పరిస్థితులను వివరించారు.
పోలీసు వ్యవస్థ అధికార పార్టీ నాయకుల చేతిలో బొమ్మలా మారిపోయిన వైనాన్ని కిషన్రెడ్డికి తెలిపారు. జస్టిస్ రామకృష్ణ, రామ్మోహన్, కోళ్ల నారాయణ తదితరులపై జరిగిన భౌతిక దాడులను వివరించారు. ఈ విషయాలను కేంద్ర హోంమంత్రి అమిత్ షా వద్దకు తీసుకెళతానని కిషన్ రెడ్డి హామీ ఇచ్చినట్లు వారు తెలిపారు. రాష్ట్ర హోంశాఖకు కూడా సూచనలు చేస్తానన్నట్లు చెప్పారు.