రైల్యేకోడూరులో ప్రశాంతంగా జనతా కర్ఫ్యూ
కడప జిల్లా రైల్వేకోడూరు నియోజకవర్గంలో పుల్లంపేట, ఓబులవారిపల్లి, పెనగలూరు, చిట్వేలి, రైల్వేకోడూరు మండలాలలో జనతా కర్ఫ్యూ కొనసాగుతోంది. కరోన వైరస్ వ్యాప్తి నివారణలో భాగంగా ప్రధాని పిలుపు మేరకు జనతా కర్ఫ్యూలో ప్రజలు పాల్గొన్నారు. ఈ సందర్భంగా రైల్వేకోడూరు నియోజకవర్గ ప్రజలు స్వచ్ఛందంగా ఇళ్ల నుంచి బయటకు రాకుండా భారత దేశ సమైక్యతను చాటారు. ఎప్పుడు జనంతో కిటకిటలాడే ప్రదేశాలు నిర్మానుష్యంగా మారాయి. పట్టణంలోని దుకాణాలు మూతబడ్డాయి.