'టైంస్లాట్​తో సంబంధం లేకుండా వాహన ఫిట్​నెస్​ టెస్ట్​'

కడప జిల్లాలో వాహన ఫిట్నెస్​ టెస్టులకు హాజరు కావాల్సినవారికి నిబంధన నుంచి మినహాయింపు ఇచ్చారు. సమయంతో సంబంధం లేకుండా ఉదయం 9 గంటల నుంచి 10 గంటలలోపు కార్యాలయానికి హజరుకావాలని పొద్దుటూరు ఆర్డీవో తెలిపారు. కరోనా వైరస్​ వ్యాప్తి చెందుతుండటంతో ఈ నిర్ణయం తీసుకున్నట్లు వెల్లడించారు.

కడప జిల్లా కరోనా కేసులు పెరుగుతున్నాయి.ఈ నేపథ్యంలో జిల్లా మొత్తాన్ని కంటైన్మెంట్​జోన్​గా ప్రకటించారు. వాహన ఫిట్నెస్​, ఎల్​.ఎల్.ఆర్​, డ్రైవింగ్​ లైసెన్సులకు సంబంధించిన టెస్టులకు హజరుకావాల్సిన వారు, స్లాట్​ సమయంతో సంబంధం లేకుండా ఉదయం 9 గంటల నుంచి 10 గంటలలోపు కార్యాలయానికి హజరుకావాలని కడప జిల్లా పొద్దుటూరు ఆర్డీవో వీర్రాజు పేర్కొన్నారు. ​జిల్లాలో వైరస్​ వ్యాప్తి పెరుగుతున్నందున ఈ నిర్ణయం తీసుకున్నట్లు ఆయన తెలిపారు. డ్రైవింగ్ లైసెన్స్ ,ఆర్ సి, ఇతర సేవలకు నేరుగా కార్యాలయానికి రాకుండా 9666898005 నంబరుకు వాట్సాప్​ ద్వారా సంప్రదించాలని సూచించారు. కరోనా వ్యాప్తి కాకుండా ప్రతి ఒక్కరూ బాధ్యతగా వ్యవహరించాలని ఆర్డీవో ప్రజలకు విజ్ఞప్తి చేశారు.