కడపలో డివిజన్​ స్థాయి విజిలెన్స్ అండ్ మానిటరింగ్ కమిటీ సమావేశం

ఎస్సీ, ఎస్టీలపై వివక్షతను రూపుమాపేందుకు కలిసికట్టుగా కృషి చేయాలని కడప సబ్​ కలెక్టర్ ఐ.పృధ్వితేజ్ ​ అధికారులను ఆదేశించారు. సబ్ కలెక్టర్ కార్యాలయంలో నిర్వహించిన జిల్లా డివిజన్​ స్థాయి విజిలెన్స్ అండ్ మానిటరింగ్ కమిటీ సమావేశంలో ఆయన మాట్లాడారు.

కడప సబ్​ కలెక్టర్​ కార్యాలయంలో జిల్లా డివిజన్ స్థాయి విజిలెన్స్ అండ్ మానిటరింగ్ కమిటీ సమావేశం నిర్వహించారు. ఎస్సీ, ఎస్టీలు ఎదుర్కొంటున్న వివక్షను రూపుమాపేందుకు కృషి చేయాలని జిల్లా ఉపపాలనాధికారి ఐ.పృధ్వితేజ్ సంబంధిత ​ అధికారులను ఆదేశించారు. నిమ్న వర్గాల ప్రజలపై వివక్ష, అత్యాచారాలు నిరోధించేందుకు డివిజన్ స్థాయి మానిటరింగ్ కమిటీని ప్రభుత్వం ఏర్పాటు చేసిందన్నారు. ప్రతి మూడు నెలలకొకసారి ఈ కమిటీ సమావేశం నిర్వహిస్తామని తెలిపారు.

రాజ్యాంగం దృష్టిలో అందరూ సమానులే అని సబ్​కలెక్టర్​ అన్నారు. సివిల్ రైట్స్ డేని తప్పకుండా నిర్వహిస్తామని తెలిపారు. డివిజన్ పరిధిలోని అన్ని మండలాల్లో సివిల్ రైట్స్ డే జరపాలని తహసీల్దార్​కు ఆదేశాలు జారీ చేశామని చెప్పారు. ఎస్సీ ,ఎస్టీలపై అత్యాచారాలు జరిగినప్పుడు వెంటనే ఎఫ్ఐఆర్ దాఖలు చేయాలని పోలీస్​శాఖకు సూచించారు. అలాంటి కేసులలో బాధితులకు పరిహారం అందించేందుకు సంబంధిత అధికారులు త్వరితగతిన చర్యలు తీసుకోవాలని చెప్పారు. వారికి సంబంధించిన భూసమస్యలు ఏమైనా ఉంటే వాటి పరిష్కారంపై కూడా ప్రత్యేక దృష్టి సారిస్తామని సబ్ కలెక్టర్ పేర్కొన్నారు.

ఇదీ చదవండి: త్వరలోనే కడప ఉక్కు కర్మాగారానికి పర్యావరణ అనుమతులు