కడప నగరపాలక సంస్థకు ప్రత్యేకాధికారి..

కడప నగరపాలక సంస్థ ప్రత్యేకాధికారిగా కలెక్టర్ హరికిరణ్ బాధ్యతలు చేపట్టారు. నగరంలో ప్రధాన సమస్యలైన తాగునీరు, పారిశుద్ధ్యం, భూగర్భ డ్రైనేజీల పనితీరుపై ప్రత్యేక శ్రద్ధ పెడతామని తెలిపారు.

ఈనెల 2వ తేదీతో రాష్ట్రంలోని మున్సిపాలిటీల పాలకవర్గం గడువు ముగియడంతో నగరపాలక సంస్థలకు ప్రత్యేకాధికారులను నియమిస్తూ... ప్రభుత్వం ఉత్తర్వులు జారీ చేసింది. దీంతో కడప నగరపాలక సంస్థ ప్రత్యేకాధికారిగా కలెక్టర్ హరికిరణ్ ఇవాళ బాధ్యతలు చేపట్టారు. నగరంలో ప్రధాన సమస్యలైన తాగునీరు, పారిశుద్ధ్యం, భూగర్భ డ్రైనేజీల పనితీరుపై ప్రత్యేక శ్రద్ధ పెడతామని ప్రత్యేకాధికారి తెలిపారు. నిలిచిన పనులను వేగంగా పూర్తి చేయాడా నికి ప్రయత్నిస్తామని చెప్పారు. మున్సిపల్ ఎన్నికలు జరిగి.. మళ్లీ పాలకవర్గం కొలువు తీరే వరకు ప్రత్యేక అధికారుల పాలన కొనసాగుతుంది.

ఇవీ చదవండి...అనంత తెదేపా అధ్యక్షుడికి చంద్రబాబు ఫోన్