ఉపముఖ్యమంత్రి అంజద్​బాషా కాన్వాయ్ అడ్డగింత

కడప జిల్లా ఇడకమడకలో ఉపముఖ్యమంత్రి అంజద్ బాషా కాన్వాయ్​ను స్థానికులు అడ్డుకున్నారు. గ్రామంలోని జాతీయ రహదారిపై ప్రమాదాల నివారణకు అండర్ పాస్ నిర్మించాలని డిమాండ్ చేశారు.

కడప జిల్లా ఇడమడక వద్ద అండర్ పాస్ నిర్మించాలని కోరుతూ... ఉప ముఖ్యమంత్రి అంజద్​బాషా కాన్వాయ్​ను స్థానికులు అడ్డుకున్నారు. ఉపాధి పనులు ముగించుకుని ద్విచక్రవాహనంపై వస్తున్న ఇద్దరు కూలీలు రోడ్డుప్రమాదంలో మృతి చెందడంతో ఆగ్రహం వ్యక్తం చేసిన గ్రామస్థులు చిత్తూరు-కర్నూలు జాతీయ రహదారిపై బైఠాయించారు.

ఈ ఆందోళనపై స్పందించిన ఉప ముఖ్యమంత్రి అంజద్ బాషా.. జిల్లా కలెక్టర్, ఎస్పీలతో ఫోన్‌లో మాట్లాడారు. ప్రమాదాల నివారణకు చర్యలు తీసుకుంటామని అధికారులు తెలపగా.. వెంటనే పనులు మొదలుపెట్టాలని ఆందోళనకారులు డిమాండ్ చేశారు. దీంతో చేసేదేమీ లేక ప్రత్యామ్నాయ మార్గంలో ఉప ముఖ్యమంత్రి కాన్వాయ్‌ను పంపించారు.

ఇవీచదవండి.