కడప జిల్లా కమలాపురం పట్టణంలోని బీడీ కాలనీలో ప్రభుత్వ చౌక దుకాణం డీలర్ మహబూబ్ చాంద్ను కొన్ని కారణాల దృష్ట్యా తొలగించారు. ఈ విషయంపై.. అతను కోర్టుకు వెళ్లి తిరిగి డీలర్షిప్ పొందేందుకు ఉత్తర్వులు తెచ్చుకున్నాడు. ఈ నెల 7న జిల్లా కలెక్టర్ పృథ్వీ తేజ్ సైతం.. అతనికి డీలర్షిప్ ఇవ్వాలని ఆదేశించారు.
ప్రస్తుతం డీలర్ గా ఉన్న వ్యక్తి నుంచి కాటా, బయోమెట్రిక్ మిషన్ను స్వాధీనం చేసుకుని ఈ నెల 15నాటికి మహబూబ్కు ఇవ్వాలని సంబంధిత అధికారులకు ఎమ్మార్వో కృష్ణకుమార్ తెలియచేశారు. ఇప్పటికీ పరికరాలు ఇవ్వలేదని చాంద్ ఎమ్మార్వో వద్ద వాపోయాడు. కోర్టు, అధికారుల ఆదేశాలకు లోబడి చర్యలు తీసుకుంటామని.. 24గంటల్లో అతనికి డీలర్షిప్ స్వాధీనం చేస్తామని ఎమ్మార్వో చెప్పారు.