ఇంతవరకు గ్రీన్ జోన్లో ఉన్న జమ్మలమడుగులో కరోనా కేసు నమోదు కావడం అధికారులు అప్రమత్తమయ్యారు. గండికోట గ్రామానికి చెందిన ఆరుగురు నిమ్మకాయల వ్యాపారస్తులు. ఇటీవలే తమిళనాడులోని కోయంబేడు మార్కెట్ కు వెళ్లి వచ్చారు. ఈ నెల 10వ తేదీన కోయంబేడు నుంచి జమ్మలమడుగు ప్రాంతానికి ఆ ఆరుగురు తిరిగివచ్చారు. పోలీసులకు సమాచారం అందడంతో ఈనెల 12వ తేదీన ఆ ఆరుగురిని వైద్యపరీక్షల నిమిత్తం ప్రొద్దుటూరు ఆసుపత్రికి పంపించారు. శుక్రవారం... ఆ ఆరుగురిలో ఒకరికి కరోనా పాజిటివ్ రావడంతో పోలీసులు అప్రమత్తమయ్యారు. పాజిటివ్ వచ్చిన వ్యక్తితో కలిసి తిరిగిన వారిలో ఇప్పటికీ 30 మందిని గుర్తించినట్లు పోలీసులు తెలిపారు. మిగతావారి సమాచారం సేకరిస్తున్నట్లు వివరించారు.
జమ్మలమడుగులో భయంభయం..! - జమ్మలమడుగులో కరోనా కేసుల వివరాలు
కడప జిల్లాలో ఇంతవరకు గ్రీన్ జోన్లో ఉన్న జమ్మలమడుగులో కరోనా కేసులు నమోదు కావడం జనం ఆందోళన చెందుతున్నారు. తమిళనాడులోని కోయంబేడు మార్కెట్కు వెళ్లి వచ్చిన వారికి కరోనా పాజిటివ్ రావడంతో అధికారులు అప్రమత్తమయ్యారు.
జమ్మలమడుగులో కరోనా కేసు నమోదు