ఇడుపులపాయలో విద్యార్థుల మధ్య ఘర్షణ..

కడప జిల్లా, ఇడుపులపాయలోని ట్రిపుల్​ఐటీలో ఇంజనీరింగ్ విద్యార్థులు మధ్య ఘర్షణ జరిగింది. కళాశాల వసతి గృహంలో సీనియర్​ విద్యార్థులు బార్ లైట్స్, క్రికెట్ బ్యాట్లు, సైకిల్ చైన్లతో.. తమపై దాడులు చేశారని జూనియర్లు ఆరోపించారు. ఈ ఘటనలో ముగ్గురు విద్యార్థులు తీవ్రంగా గాయపడగా.. పలువురికి స్వల్ప గాయాలయ్యాయి.

కడప జిల్లా ఇడుపులపాయ ట్రిపుల్‌ ఐటీ ఆర్కే వ్యాలీలో... ఇంజనీరింగ్ విద్యార్థులు మధ్య ఘర్షణ నెలకొంది. ఇంజినీరింగ్‌ నాలుగో సంవత్సరం విద్యార్థులు ర్యాగింగ్‌ చేశారంటూ.. మూడో సంవత్సరం విద్యార్థులు గళమెత్తారు. ప్రసాద్ చంద్ర, తేజ, వంశీ, చరణ్, శివాజీ సహా ఇంకొందరు నాలుగో సంవత్సరం విద్యార్థులు.. జూనియర్ల వసతి గృహానికి వెళ్లారు. తమ వెంట తీసుకెళ్లిన క్రికెట్ బ్యాట్లు, సైకిల్ చైన్లు, ఇతర వస్తువులతో మూకుమ్మడిగా దాడి చేశారు.

ట్రిపుల్‌ ఐటీ అధికారులు సర్దిచెప్పే ప్రయత్నం చేసినప్పటికీ.. సీనియర్లు లెక్క చేయకుండా దాడికి పాల్పడినట్లు తెలుస్తోంది. ఈ దాడిలో గాయపడిన జూనియర్లు మూర్తి, శేషు, రాజులను సిబ్బంది హుటాహుటిన స్ధానిక ఆర్కే వ్యాలీ ఆసుపత్రికి తరలించారు

ఇదీ చదవండీ...ఎస్​ఈబీ ఏఎస్పీ వీరంగం : మద్యం మత్తులో హల్​చల్