సీసీ కెమెరా దృశ్యాలు
ఓ తండ్రి అప్పుడే పుట్టిన బిడ్డను కడప రైల్వేస్టేషన్లో వదిలివెళ్లాడు. చిన్నారిని రేణిగుంట రైల్వే పోలీసులు గుర్తించి, ఐసీడీఎస్ అధికారులకు అప్పగించారు. గురువారం రాత్రి షిరిడి నుంచి తిరుపతికి వెళ్తున్న రైలు కడప రైల్వే స్టేషన్లో ఆగింది. ఆ సమయంలో ఓ తండ్రి పాపను తీసుకుని కడప రైల్వేస్టేషన్కు వచ్చాడు. స్టేషన్లో ఆగిన రైలులో పాపను పడుకోబెట్టి వెళ్లిపోయాడు. పాపను గుర్తించిన ప్రయాణికులు రేణిగుంట పోలీసులకు సమాచారం అందించారు. పోలీసులు పాపను ఐసీడీఎస్ అధికారులకు అప్పగించారు. వ్యక్తి ఆటో దిగి, స్టేషన్లోకి వచ్చిన దృశ్యాలు సీసీ కెమెరాల్లో రికార్డయ్యాయి. ఆ దృశ్యాల ఆధారంగా పోలీసులు దర్యాప్తు చేస్తున్నారు.