కడప జిల్లా బద్వేలు ఉపఎన్నికలో వైకాపా అభ్యర్థిగా పోటీ చేస్తున్న దాసరి సుధ తన ఆస్తుల వివరాలను ఎన్నికల అఫిడవిట్లో పొందుపరిచారు. ఇవాళ నామినేషన్ దాఖలు చేసిన ఆమె..తన పేరిట ఉన్న స్థిర, చర ఆస్తుల వివరాలను రిటర్నింగ్ అధికారికి అందజేశారు. తన పేరిట కోటి 11 లక్షల 72 వేల 177 రూపాయల విలువ చేసే చరాస్థులు ఉన్నట్లు అఫిడవిట్లో పేర్కొన్నారు. ప్రస్తుతం తన వద్ద లక్షా 62 వేల రూపాయలు మాత్రమే ఉన్నట్లు పేర్కొంది. మిగిలినదంతా వివిధ బ్యాంకుల్లో డిపాజిట్ల రూపంలో, సేవింగ్ ఖాతాల్లో ఉన్నట్లు వెల్లడించారు. రూ. 14 లక్షల విలువ చేసే 350 గ్రాముల బంగారం ఉండగా..ఒక మహీంద్రా కారు ఉన్నట్లు పేర్కొన్నారు.
తన పేరిట రూ. 48 లక్షల విలువ చేసే స్థిరాస్తులు ఉన్నట్లు అఫిడవిట్లో సుధ పొందుపరిచారు. గోపవరం, సీకేదిన్నె మండలాల్లో వ్యవసాయ భూములు ఉన్నట్లు వెల్లడించారు. కడప సమీపంలోని పక్కీరుపల్లెలో వ్యవసాయేతర భూములు ఉన్నట్లు తెలిపారు.
అప్పులు లేవు..