రవీంద్రారెడ్డి పాదయాత్ర
కడప జిల్లా పులివెందులకు చెందిన రవీంద్రారెడ్డి సెప్టెంబర్ 2న పాదయాత్ర ప్రారంభించారు. తన గురువు సంకల్పం మేరకు ఉజ్జయిని జ్యోతిర్లింగం నుంచి శబరిమలకు యాత్ర చేస్తున్నట్లు తెలిపారు. ఉజ్జయిని నుంచి మొదలుపెట్టి.. దారిలోని శక్తి పీఠాలు దర్శించుకుంటూ నేటికి 3,650 కిలోమీటర్లు నడిచారు. ఈనెల 13కి కడప జిల్లా జమ్మలమడుగుకి చేరుకున్నారు. రాష్ట్రంలో సకాలంలో వర్షాలు కురిసి మంచి పంటలు పండాలని ఈ పాదయాత్ర చేస్తున్నట్లు చెప్పారు. ఆలంపూర్ జోగులాంబ శక్తిపీఠం దర్శించుకుని అక్కడినుంచి కడపకు వచ్చినట్లు తెలిపారు. ఇక్కడినుంచి శబరిమలకు వెళ్లనున్నట్లు వెల్లడించారు.