కడప జిల్లా కమలాపురం మండలం సీ. రాజుపాలెంలో కరోనాపై అవగాహన నాటకం నిర్వహించారు. నిమ్మకాయల రవిచంద్రారెడ్డి అనే వ్యక్తి ఆధ్వర్యంలో ఈ కార్యక్రమం జరిగింది. ఆయన దాదాపు 200 నాటకాల్లో నటించారు. ఆ అనుభవంతో ప్రజలకు కొవిడ్ మహమ్మారిపై అవగాహన కల్పించాలనే ఉద్దేశంతో నాటకం వేశారు.
ఈ సందర్భంగా రవిచంద్రారెడ్డి మాట్లాడుతూ.. కరోనా కారణంగా.. అన్ని వర్గాల ప్రజలు ఇబ్బందులు ఎదుర్కొంటున్నారన్నారు. కళాకారులు ఉపాధి కోల్పోయారని.. పూట గడవని పరిస్థితుల్లో ఉన్నారని ఆవేదన వ్యక్తం చేశారు. ప్రభుత్వం అలాంటివారిని ఆదుకోవాలని కోరారు.