'నిర్వాసితుల సమస్యల పరిష్కారానికి కృషి చేస్తా'

కడప జిల్లా మంగంపేట గనులను ఏపీఎండీసీ డైరెక్టర్ వెంకట్​రెడ్డి పరిశీలించారు. తన స్వగ్రామంలో పర్యటించన ఆయన... స్థానికంగా ఉన్న పాఠశాలనూ సందర్శించారు. గనుల కారణంగా ఇబ్బందులు పడుతున్న స్థానికుల సమస్యలు తీర్చేందుకు తన వంతు కృషి చేస్తానని వెంకట్​రెడ్డి స్పష్టం చేశారు.

కడప జిల్లా ఓబులవారిపల్లె మండలం మంగంపేట బైరైటీస్ గనులను ఏపీఎండీసీ మేనేజింగ్ డైరెక్టర్ వెంకట్​రెడ్డి పరిశీలించారు. తన స్వగ్రామం కొర్లగుంట గ్రామానికి వచ్చిన సందర్భంగా వెంకట్​రెడ్డి... మంగంపేట గనులు, ఏపీఎండీసీ పబ్లిక్ స్కూల్​ను సందర్శించారు. అనంతరం స్థానిక వైకాపా నాయకులతో చర్చించారు. తనకు ఏపీఎండీసీ మేనేజింగ్ డైరెక్టర్ పదవి ఇచ్చినందుకు ముఖ్యమంత్రి జగన్మోహన్ రెడ్డికి వెంకట్​రెడ్డి కృతజ్ఞతలు తెలిపారు. మంగంపేట గనులకు సంబంధించి డేంజర్ జోన్ గ్రామాలు, స్థానికులకు ఉద్యోగ కల్పన వంటి అంశాల గురించి అధికారులను అడిగి తెలుసుకున్నారు. సమస్యల పరిష్కారానికి తన వంతు కృషి చేస్తానని హామీఇచ్చారు.

ఇదీచదవండి.