1న కుటుంబ సమేతంగా ముఖ్యమంత్రి విదేశీ పర్యటన

అసెంబ్లీ సమావేశాలతో బిజీబిజీగా ఉన్న ముఖ్యమంత్రి జగన్... ఒకటిన విదేశీ పర్యటనకు వెళ్లనున్నారు. కుటుంబ సమేతంగా వెళ్లి... 5న తిరిగి అమరావతికి వస్తారు.

ముఖ్యమంత్రి వైఎస్ జగన్​మోహన్ రెడ్డి తన కుటుంబ సభ్యులతో కలిసి ఆగస్టు ఒకటిన జెరూసలెం పర్యటనకు వెళ్లనున్నారు. 5న అమరావతికి తిరిగి వస్తారు. ఈ నెల 30న అసెంబ్లీ సమావేశాలు ముగియగానే అదేరోజు సాయంత్రం హైదరాబాద్​ బయలుదేరి వెళతారు. మరుసటి రోజు ఆయన జెరూసలెం పర్యటన ప్రారంభమవుతుంది. అనంతరం ఆగస్టు 15న తన కుటుంబ సభ్యులతో కలిసి అమెరికా వెళ్లి 24న తిరిగి వస్తారు. ఈ పర్యటనలో భాగంగా అక్కడ ప్రవాసాంధ్రులతో వివిధ సమావేశాల్లో పాల్గొంటారు. 17న డల్లాస్​లోని కె బెయిలీ హాచిసన్ కన్వెన్షన్ సెంటర్​లో "తెలుగు కమ్యూనిటీ ఆఫ్ నార్త్ అమెరికా" వారి ఆధ్వర్యంలో ఏర్పాటయ్యే కార్యక్రమంలో పాల్గొంటారు.