కడప జిల్లా రైల్వే కోడూరు మండలం రాఘవరాజపురంలో ఓ వ్యక్తి మృతదేహాన్ని పోలీసులు గుర్తించారు. గుర్తు తెలియని వ్యక్తులు తెల్లవారుజామున రేకుల షెడ్లులో బండరాళ్లతో మోది దారుణంగా హత్య చేశారు. అనంతరం ఈడ్చుకొంటూ వెళ్లి దగ్గర్లలోని చెత్తకుప్పలో పడేసి వెళ్లినట్లు పోలీసులు గుర్తించారు.
మృతుడి ఆధార్ కార్డు ఆధారంగా ఎర్రగుంట్లకు చెందిన కృష్ణమనాయుడు చంద్రకాంత్గా పోలీసులు గుర్తించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. హత్య జరిగిన పరిసరాలను క్లూస్ టీం, డాగ్ స్క్వాడ్ సహాయంతో పరిశీలించి.. నిందితుల కోసం గాలిస్తున్నట్లు రైల్వే కోడూరు ఎస్సై పెద్ద ఓబన్న తెలిపారు.