మంగంపేట వద్ద రోడ్డు ప్రమాదం... 20 మందికి తీవ్ర గాయాలు

కడప జిల్లా మంగంపేట వద్ద ప్రధాన రహదారిపై రోడ్డు ప్రమాదం జరిగింది. ఆర్టీసీ బస్సు-లారీ ఢీకొనడంతో బస్సులోని 20 మంది ప్రయాణికులు తీవ్రంగా గాయపడ్డారు. వెంటనే బాధితులను స్థానిక ఆస్పత్రికి తరలించారు.

కడప జిల్లా ఓబులవారిపల్లె మండలం మంగంపేట వద్ద ప్రధాన రహదారిపై జరిగిన రోడ్డు ప్రమాదంలో 20 మంది గాయపడ్డారు. మంగంపేట వద్ద తిరుపతి నుంచి కడప వైపు వెళ్తున్న ఆర్టీసీ బస్సును ఎదురుగా వస్తున్న లారీ ఢీకొట్టింది. ఈ ప్రమాదంలో బస్సులో ఉన్న 20 మంది ప్రయాణికులు తీవ్రంగా గాయపడ్డారు. ఘటనాస్థలానికి చేరుకున్న పోలీసులు, స్థానికులు.. బాధితులను హుటాహుటిన సమీప ఆస్పత్రికి తరలించారు.

రహదారిపై కిలోమీటర్ల కొద్దీ వాహనాలు నిలిచిపోవడంతో ట్రాఫిక్​కు అంతరాయం ఏర్పడింది. అతివేగం వల్లే ఈ ప్రమాదం జరిగిందని స్థానికులు తెలిపారు. కేసు నమోదు చేసుకొని దర్యాప్తు చేస్తున్నట్లు ఓబులవారిపల్లి పోలీసులు పేర్కొన్నారు. ఈ లారీ తమిళనాడుకు చెందినదిగా గుర్తించారు.

ఇదీ చదవండి:అరకు ఘాట్‌ రోడ్డులో ఘోర ప్రమాదం