రోడ్డు ప్రమాదంలో నూతన వధూ వరులకు గాయాలు
కడప జిల్లా రాజంపేట మండలం ఊటుకూరు వద్ద రోడ్డు ప్రమాదం జరిగింది. ముందు వెళ్తున్న బస్సును ఆటో ఢీకొనటంతో ఏడుగురు గాయపడ్డారు. ఈ ఘటనలో నూతన వధూవరులూ ఉన్నారు. క్షతగాత్రులను స్థానికులు ఆసుపత్రికి తరలించారు. రాజంపేట మండలం ఆకేపాడు పెద్దూర్ నుంచి ఓబులవారపల్లె మండలం బోటుకిందపల్లెకి సారె తీసుకెళ్తుండగా ఈ ఘటన జరిగింది. బస్సు డ్రైవర్ ఒక్కసారిగా బ్రేక్ వేయడం వల్లే ప్రమాదం జరిగిందని ఆటో డ్రైవర్ మహబూబ్బాషా తెలిపాడు.