పోలీసులతో వైకాపా నేతల వాగ్వాదం

ఏలూరు పోలీసు స్టేషన్​లో వైకాపా కార్యకర్తలు ఆందోళన చేశారు. వైకాపా మీడియా సమన్వయ కర్తను విడుదల చేయాలంటూ వాగ్వాదానికి దిగారు.

వైకాపా మీడియా కో-ఆర్డినేటర్ కామరెడ్డి నానిను ఏలూరు 3వ పట్టణ స్టేషన్​ పోలీసులు అరెస్టు చేశారు. ఎమ్మెల్యే చింతమనేని ప్రభాకర్ మాట్లాడిన వీడియోను మార్ఫింగ్​ చేసిన కేసులో నానిను రెండో నిందితుడుగా గుర్తించారు. దీంతో స్థానిక వైకాపా నాయకులు భారీ ఎత్తున పోలీసు స్టేషన్​కు చేరుకొని ఆందోళనకు దిగారు.నానిను విడుదల చేయాలని పోలీసులతో వాగ్వాదానికి దిగారు.