రోడ్డు ప్రమాదంలో ఇద్దరు యువకులు మృతి

తణుకు వద్ద జాతీయ రహదారిపై జరిగిన రోడ్డు ప్రమాదంలో ఇద్దరు యువకులు అక్కడికక్కడే మరణించారు. మృతులు కృష్ణాజిల్లా గన్నవరానికి చెందిన వారిగా పోలీసులు గుర్తించారు.

పశ్చిమ గోదావరి జిల్లా తణుకు వద్ద జాతీయ రహదారిపై రోడ్డు ప్రమాదం జరిగింది. కృష్ణాజిల్లా బుద్దవారం గ్రామానికి చెందిన యువకులు ద్విచక్రవాహనంపై వెళ్తుండగా గుర్తు తెలియని వాహనం ఢీకొని మృతి చెందారు. తణుకు నుంచి పెరవలి వెళ్లే దారిలో ఈ ఘటన జరిగింది. సంఘటనాస్థలాన్ని పరిశీలించిన పోలీసులు.. వీరిద్దరూ పెట్రోలు బంకులో పెట్రోల్ తీసుకుని పెరవలి వైపు నుంచి తణుకు వైపు అపసవ్య దిశలో వెళ్తుండగా ఎదురుగా వచ్చిన భారీ వాహనం ఢీకొట్టడంతో ప్రమాదం జరిగినట్లు భావిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

ఇది చదవండి 'నా జీవనాధారం దూరం చేయొద్దు..'