నిలిచిన భారీ బాయిలర్ వాహనం.. ట్రాఫిక్​కు తీవ్ర అంతరాయం

పశ్చిమ గోదావరి జిల్లా సింగవరం కూడలిలో వాహనాలు నిలిచిపోయాయి. భారీ బాయిలర్‌తో విశాఖ వెళ్తున్న వాహనం నిలిచిపోయిన కారణంగా.. రాకపోకలకు తీవ్ర అంతరాయం కలిగింది. దాదాపు రెండు గంటలపాటు రాకపోకలు నిలిచిపోయాయి.

పశ్చిమగోదావరి జిల్లా దెందులూరు మండలం సింగవరం కూడలిలో.. ట్రాఫిక్​కు ఓ భారీ వాహనం తీవ్ర అంతరాయం కలిగించింది. జాతీయ రహదారిపై భారీ బాయిలర్ తో కూడిన వాహనం అర్థంతరంగా నిలిచిపోయింది. ఈ కారణంగా.. రాకపోకలకు తీవ్ర అంతరాయం ఏర్పడింది. ముంబయి నుంచి విశాఖ హెచ్​పీసీఎల్ సంస్థకు చెందిన బాయిలర్లతో... రెండు వాహనాలు వెళ్తుండగా ఈ ఘటన జరిగింది. రెండు గంటల పాటు వాహనాలు రహదారిపై నిలిచిపోయాయి. వాహనదారులు తీవ్ర ఇబ్బందులు పడ్డారు.