పశ్చిమ గోదావరి జిల్లా ఆచంట మండలం శివారు చిన్న పేటలో బుధవారం జరిగిన అగ్ని ప్రమాదంతో 3 తాటాకుల ఇళ్లు దగ్ధమయ్యాయి. 4 కుటుంబాలవారు నిరాశ్రయులు అయ్యారు. ఈ ప్రమాదం జరిగిన మూడు ఇళ్లల్లోని విలువైన సామగ్రి, నగదు, బంగారం, దుస్తులు బూడిదయ్యాయి.
సుమారు 15 లక్షల రూపాయల ఆస్తి నష్టం జరిగినట్లు అధికారులు అంచనా వేశారు. బాధిత కుటుంబాలకు తెలుగుదేశం పార్టీ ఆధ్వర్యంలో మాజీ మంత్రి పితాని సత్యనారాయణ బియ్యం, నిత్యావసర సరకులు అందజేశారు. వైకాపా స్థానిక నాయకులు కూడా బాధితులకు నిత్యావసర సరుకులు, దుస్తులు అందజేశారు.