జగన్​పై దాడి కేసు నిందితుడు శ్రీనివాస్ బెయిల్ రద్దు

గతేడాది అక్టోబర్​లో జగన్​పై దాడి చేసిన శ్రీనివాస్​ బెయిల్​ను హైకోర్టు రద్దు చేసింది. ఎన్​ఐఏ వినతి మేరకు ఈ నిర్ణయం తీసుకుంది.

ముఖ్యమంత్రి జగన్​పై దాడి కేసులో నిందితుడైన శ్రీనివాస్ బెయిల్​ను రద్దు చేస్తూ ఏపీ హైకోర్టు ఆదేశాలు జారీ చేసింది. ఎన్​ఐఏ పిటిషన్​పై న్యాయస్థానం సానుకూలంగా స్పందించింది. నిందితుడు సాక్షులను ప్రభావితం చేస్తారని, సాక్షాలను తారుమారు చేసే అవకాశముందని ఎన్ఐఏ తరఫు న్యాయవాది వాదించారు. కేసు ప్రముఖుల భద్రతకు సంబంధించిన అంశం అయినందున నిందితుడుని జైలు లోపల ఉంచాలని ఎన్ఐఏ న్యాయవాది కోరారు. దీనికి ఏకీభివించిన న్యాయస్థానం బెయిల్ను రద్దు చేసింది. అయితే హైకోర్టు తీర్పుపై సుప్రీంకోర్టుకు అప్పీల్కు వెళతామని నిందితుడి తరఫు న్యాయవాది చెప్పారు. కాగా ఈ ఏడాది మే 22న శ్రీనివాస్​కు హైకోర్టు బెయిల్ మంజూరు చేసింది. మే 25న రాజమండ్రి సెంట్రల్ జైలు నుంచి శ్రీనివాస్ విడుదల అయ్యాడు.

సంబంధిత కథనం..'జగన్ సీఎం కావడం సంతోషంగా ఉంది'