Gorantla Butchaiah Chaudhary Interesting Tweet: నెల్లూరు జిల్లా వైఎస్సార్సీపీలో అసమ్మతి సెగ రోజురోజుకు పెరుగుతోంది. ఇన్నాళ్లు అణిగిమణిగి ఉన్న నేతలు ఒక్కొక్కరూ తమ గళాన్ని విప్పుతున్నారు. ఇప్పటికే వెంకటగిరి ఎమ్మెల్యే ఆనం రాంనారాయణ రెడ్డి, వైసీపీ నెల్లూరు గ్రామీణ ఎమ్మెల్యే కోటం రెడ్డి శ్రీధర్ రెడ్డి.. తాజాగా ఉదయగిరి ఎమ్మెల్యే మేకపాటి చంద్రశేఖర్‌ రెడ్డిలు అసమ్మతి స్వరం వినిపించడంతో అధిష్ఠానానికి కొత్త తలనొప్పులు ప్రారంభమయ్యాయి.
ఈ క్రమంలో టీడీపీ పొలిట్ బ్యూరో సభ్యులు గోరంట్ల బుచ్చయ్య చౌదరి సామాజిక మాధ్యమాల వేదికగా చేసిన ట్వీట్ తీవ్ర చర్చనీయాంశంగా మారింది. వైసీపీ కోవర్ట్ డ్రామా స్టార్ట్ అయినట్లు ఉందంటూ గోరంట్ల బుచ్చయ్య చౌదరి అనుమానాన్ని వ్యక్తం చేస్తూ.. పార్టీ కార్యకర్తలకు పలు సూచనలు చేశారు.