వానరాల ఆకలి తీర్చిన ఎస్సై రవికుమార్..

ఖాకీ దుస్తుల మాటున కఠినత్వమే కాదు మానవత్వం కూడా ఉంటుందని నిరూపించారు పశ్చిమగోదావరి జిల్లా తణుకు పట్టణ పోలీసులు. ఆహారం వెతుక్కుంటూ పోలీస్​స్టేషన్ ప్రాంగణంలోకి వచ్చిన వానరాలకు పండ్లు ఇచ్చి తమ ఉదారతను చాటుకున్నారు.

పశ్చిమగోదావరి జిల్లా తణుకు పట్టణ పోలీస్ స్టేషన్ ప్రాంగణానికి మంగళవారం కొన్ని వానరాలు ఆహారం కోసం వెతుక్కుంటూ స్టేషన్​ ప్రాంగణంలోకి వచ్చాయి. వాటిని గమనించిన ఎస్సై రవికుమార్​.... తన ఉదారతను చాటుకున్నారు. వెంటనే సిబ్బందితో పుచ్చకాయలు, అరటి పండ్లు తెప్పించి వాటికి అందించారు. దీన్ని గమనించిన పలువురు స్థానికులు ఏస్సై మానవత్వం పట్ల హర్షం వ్యక్తం చేశారు.

ఇదీ చూడండి:పంచాయతీ ఎన్నికల్లో ఏకగ్రీవాలకు ప్రోత్సాహకం పెంపు.. ఉత్తర్వులు జారీ