సోమరిపోతు వ్యవసాయం ఏదైనా ఉందంటే.. అది వరి సాగు: శ్రీరంగనాథరాజు

పశ్చిమగోదావరి జిల్లా ఉండిలో కృషి విజ్ఞాన కేంద్రం రజతోత్సవ వేడుకలు ఘనంగా జరిగాయి. ఈ కార్యక్రమంలో పాల్గొన్న మంత్రి శ్రీరంగనాథ రాజు వివాదస్పద వ్యాఖ్యలు చేశారు. సోమరిపోతు వ్యవసాయం.. వరిసాగు అని వ్యాఖ్యానించారు.

పశ్చిమగోదావరి జిల్లా ఉండి మండల కేంద్రంలోని కృషి విజ్ఞాన కేంద్రం రజతోత్సవ వేడుకలు ఘనంగా నిర్వహించారు. ఆచార్య ఎన్‌జీ రంగా వ్యవసాయ విశ్వ విద్యాలయం, భారత వ్యవసాయ పరిశోధనా మండలి సంయుక్త ఆధ్వర్యంలో జరిగిన ఈ వేడుకల్లో.. శాస్త్రవేత్తలు సాధించిన ప్రగతి, తదితర అంశాలపై చర్చించారు. ఈ కార్యక్రమంలో మంత్రులు కురసాల కన్నబాబు, చెరుకువాడ శ్రీరంగనాథరాజు, ఎమ్మెల్యే మంతెన రామరాజు, ఎన్జీ రంగా విశ్వవిద్యాలయం వైస్ ఛాన్స్​లర్​ విష్ణువర్ధన్ రెడ్డి, ఏపీ వ్యవసాయ మిషన్ ఛైర్మన్ నాగిరెడ్డి, రైతులు తదితరులు పాల్గొన్నారు.

సోమరిపోతు వ్యవసాయం: మంత్రి

ఈ కార్యక్రమంలో మంత్రి చెరుకువాడ శ్రీరంగనాథరాజు వివాదాస్పద వ్యాఖ్యలు చేశారు. సోమరిపోతు వ్యవసాయం ఏదైనా ఉందంటే అది వరి సాగు అని మంత్రి అన్నారు. కష్టపడకుండానే వ్యవసాయం చేయొచ్చని ఆయన చెప్పుకొచ్చారు. ఈ మాటలతో అక్కడున్న రైతులంతా నివ్వెరపోయారు. అనంతరం రైతుల కష్టాల గురించి మాట్లాడారు.

ఇదీ చదవండీ...