రెండు ద్విచక్ర వాహనాలు ఢీ.. ఒకరి మృతి

రెండు ద్విచక్ర వాహనాలు ఢీకొన్న ప్రమాదంలో ఓ యువకుడు మృతి చెందాడు. ఈ ఘటన పశ్చిమ గోదావరి జిల్లా తాడేపల్లిగూడెం మండలం వెంకటరామన్నగూడెం గ్రామంలో జరిగింది. ఈ ప్రమాదంలో మరో వాహనంపై వస్తున్న వ్యక్తి తీవ్రంగా గాయపడటంతో ఏరియా ఆసుపత్రికి తరలించారు.

పశ్చిమ గోదావరి జిల్లా తాడేపల్లిగూడెం మండలం వెంకటరామన్నగూడెం గ్రామం వద్ద ప్రమాదం జరిగింది. ఎదురెదురుగా వస్తున్న వాహనాలు ఢీ కొనడం వల్లే ప్రమాదం జరిగినట్లు తెలుస్తోంది. బజాజ్ షోరూంలో మెకానిక్​గా పనిచేసే సాయి.. విధుల్లో భాగంగా భీమవరం వెళ్లి స్పేర్ పార్ట్స్ తీసుకొని వస్తుండగా.. తాడేపల్లిగూడెం నుంచి నల్లజర్ల వెళ్లే రోడ్డులో వెంకట రామన్న గూడెం వద్ద కడపకు చెందిన మరో వ్యక్తి.. ఎదురుగా వచ్చి సాయి నడుపుతున్న ద్విచక్ర వాహనాన్ని ఢీకొన్నాడు. ఈ ఘటనలో యర్నగూడెం గ్రామానికి చెందిన గంజి సాయి కిరణ్ కుమార్ సంఘటన స్థలంలోనే ప్రాణాలు విడిచాడు. మరో వ్యక్తికి తీవ్ర గాయాలు కాగా ఏరియా హాస్పిటల్​కు తరలించారు. పూర్తి వివరాలు ఇంకా తెలియాల్సి ఉందని ఇన్​ఛార్జ్ ఎస్ఐ ప్రసాద్ తెలిపారు. అధిక వేగమే ప్రమాదానికి కారణమని పోలీసులు వెల్లడించారు.

ఇవీ చూడండి...