Rooster Knives: పశ్చిమలో కోడి కత్తుల తయారీ.. పట్టుకున్న పోలీసులు

Rooster Knives: ఉభయగోదావరి జిల్లాల్లో సంక్రాంతి అనగానే గుర్తొచ్చేది కోడిపందాలు. ఈ పందాల్లో కోట్ల రూపాయల్లో చేతులు మారుతూ ఉండగా.. బరిలో పలువురి తలరాతలను మార్చే కోడి పందాలు రంజుగా సాగుతాయి. రాజకీయ నాయకులు సైతం ప్రత్యేక అనుమతులు తీసుకుని కోడిపందాలు నిర్వహించడానికి ఏర్పాట్లు చేస్తూ ఉంటారు. ఈ నేపథ్యంలోనే ముందస్తుగా కోడి కత్తులను తయారు చేస్తున్న ముఠాను పోలీసులు పట్టుకున్నారు.

Rooster Knives: పశ్చిమ గోదావరి జిల్లా తాడేపల్లిగూడెం మండలం కృష్ణాయపాలెం గ్రామంలో.. 1310 కోడి కత్తులు వాటిని పదునుపెట్టే యంత్ర సామగ్రిని పోలీసులు స్వాధీనం చేసుకున్నారు. వీటి విలువ సుమారు రూ.6.91 లక్షలు ఉంటుందని అంచనా వేశారు. పండగ రోజుల్లో కోడిపందాలకు కొత్తగా కత్తులు తయారు చేసి.. అధిక మొత్తంలో ఆదాయం సంపాదించాలనే ఆలోచనతో నిందితుడు కత్తులు తయారు చేసినట్లు డీఎస్పీ శ్రీనాథ్ వెల్లడించారు. రానున్న రోజుల్లో ఇలాంటి అసాంఘిక కార్యక్రమాలకు పాల్పడే వారిపై ప్రత్యేక నిఘా ఉంటుందని తెలిపారు.

ఇదీ చదవండి:కోడి పందేలకు జోరుగా ఏర్పాట్లు.. గెలుపు పందెంరాయుళ్లదా.. పోలీసులదా..?