టమోట ట్రేల మధ్యలో గుట్టుగా గంజాయి తరలింపు..

భారీ ఎత్తున గంజాయి అక్రమ రవాణాను పశ్చిమ గోదావరి పోలీసులు అడ్డుకున్నారు. 800 కిలోల లోడుతో వెళ్తున్న లారీని జంగారెడ్డిగూడెం వద్ద స్వాధీనం చేసుకున్నారు. ముగ్గురు నిందితులను అదుపులోకి తీసుకున్నారు.

పశ్చిమగోదావరి జిల్లా జంగారెడ్డిగూడెం సమీపంలో భారీ ఎత్తున గంజాయిని పోలీసులు పట్టుకున్నారు. విశాఖపట్నం వైపు నుంచి తెలంగాణకు వెళుతున్న లారీని ఆపి తనిఖీ చేయగా.. 800 కిలోల సరకు గుర్తించినట్లు వారు తెలిపారు. టమోట ట్రేల మధ్య ఉంచి అక్రమంగా రవాణా చేస్తున్న గంజాయిని స్వాధీనం చేసుకున్నట్లు పేర్కొన్నారు. ఈ ఘటనలో ముగ్గురిని అదుపులోకి తీసుకున్నట్లు చెప్పారు. లారీకి పైలెట్‌గా వ్యవహరించిన కారులోని ఇద్దరు వ్యక్తులు పరారయ్యారని.. వారి కోసం గాలిస్తున్నామని వివరించారు.

ఇదీ చదవండి:ఏటీఎం వద్ద మోసాలకు పాల్పడే కిలాడీ దొంగ అరెస్ట్