నేను పోలీస్​ అన్నాడు.. అసలు పోలీసులకు చిక్కాడు

పశ్చిమగోదావరి జిల్లా తాడేపల్లిగూడెంలో పోలీస్​ అని చెప్పి డబ్బులు వసూలు చేస్తోన్న ఓ వ్యక్తిని పోలీసులు అరెస్ట్​ చేశారు. నిందితుడిపై ఇప్పటికే పలు కేసులు నమోదైనట్లు తెలిపారు. ఇలాంటి చర్యలకు పాల్పడితే కఠిన చర్యలు తీసుకుంటామని సీఐ రఘు హెచ్చరించారు.

పశ్చిమగోదావరి జిల్లా తాడేపల్లిగూడెంలో పోలీస్​ అని చెప్పుకుంటూ వసూళ్లకు పాల్పడుతోన్న కుడిపూడి నాగేంద్రబాబు (25) అనే వ్యక్తిని పట్టణ పోలీసులు అరెస్ట్​ చేశారు. గతంలో నాగేంద్రబాబుపై 36 కేసులు నమోదు అయినట్టుగా సీఐ ఆకులు రఘు తెలిపారు. తాడేపల్లిగూడెంలోని తాళ్ల ముదునూరు పాడులో ఓ వ్యక్తిని బెదిరించి వసూళ్లకు పాల్పడుతుండగా అదుపులోకి తీసుకున్నామన్నారు. ఇలాంటి చర్యలకు పాల్పడితే సహించేది లేదని హెచ్చరించారు. పోలీసులమని చెప్పి ఎవరైనా డబ్బులు డిమాండ్ చేస్తే స్థానిక పోలీస్ స్టేషన్​లో ఫిర్యాదు చేయాలని సీఐ సూచించారు.

ఇవీ చూడండి...