పోలవరం ప్రాజెక్టు ముంపు గ్రామాలకు వరద ఉద్ధృతి పెరిగింది. కాపర్ డ్యాం నిర్మాణంతో గోదావరికి చిన్న వరదొచ్చినా.. ముంపు గ్రామాలు జలదిగ్బంధమవుతున్నాయి. పశ్చిమగోదావరి జిల్లాలో పదుల సంఖ్యలో ముంపు గ్రామాలు వరద తాకిడితో అతలాకుతలం అవుతున్నాయి. ఓ వైపు వరద.. మరో వైపు ఖాళీ చేయమని అధికారులు బెదిరింపులతో బిక్కుబిక్కుమంటూ రిక్తహస్తాలతో గ్రామాల నుంచి వెళ్లిపోతున్నారు. వారికి అందించాల్సిన పునరావాస ప్యాకేజీలు అందించడంలో ప్రభుత్వం మీనమాసాలు లెక్కేస్తోంది. పునరావాసం, పరిహార ప్రక్రియలు చేపడతారా లేదా.. అన్నది ఇప్పటికీ ప్రశ్నార్థకంగా మారింది.
జిల్లాలో పోలవరం, వేలేరుపాడు, కుక్కునూరు మండలాల్లో పదుల సంఖ్యలో గ్రామాలు జలదిగ్బంధమయ్యాయి. కాపర్ డ్యాం నిర్మాణంతో చిన్న వరదకే గ్రామాలు ప్రభావితమవుతున్నాయి. ప్రభుత్వం నిర్వాసిత కుటుంబాలకు 10 లక్షల రూపాయల ప్యాకేజీ.... ఇల్లు నిర్మించి ఇస్తామని చెప్పినా.. మళ్లీ ఆ ఊసే ఎత్తడం లేదని బాధితులు ఆవేదన చెందుతున్నారు.
అధికారులకు తెలిసినా..