యువకుడిపై లాఠీఛార్జ్... ఎస్ఐపై సస్పెన్షన్ వేటు
యువకుడిపై నిర్దాక్షిణ్యంగా లాఠీఛార్జ్ చేసిన పశ్చిమగోదావరి జిల్లా పెరవలి ఎస్ఐపై సస్పెన్షన్ వేటు పడింది. లాక్డౌన్ నేపథ్యంలో తండ్రీ కుమారుడు సహా ఓ వృద్ధురాలిపైనా ఎస్ఐ కిరణ్‌కుమార్‌ లాఠీఛార్జ్ చేశాడు. లాఠీఛార్జ్ దృశ్యాలు సామాజిక మాధ్యమాల్లో వైరల్‌ అవడంతో... యూనిట్ ఆఫీసర్ ఆగ్రహం వ్యక్తం చేశారు. సస్పెండ్ చేస్తూ ఆదేశాలు జారీ చేశారు. ఈ ఎస్సై వ్యవహారం డీజీపీ గౌతం సవాంగ్‌ దృష్టికి వెళ్లింది. విదేశాల నుంచి వచ్చిన వారిని క్వారంటైన్కు పంపించాలి తప్ప.. దాడి చేయడం సరికాదని ఆగ్రహం వ్యక్తం చేశారు. ఇలాంటి సంఘటనలు పునరావృతం అయితే.. తీవ్ర చర్యలు తీసుకుంటామని హెచ్చరించారు.