జంగారెడ్డిగూడెంలో ఓ వ్యక్తికి కరోనా పాజిటివ్

పశ్చిమగోదావరి జిల్లా జంగారెడ్డిగూడెం అయ్యన్న కాలనీలో ఓ వ్యక్తికి కరోనా పాజిటివ్ నిర్ధరణ అయ్యింది. ఆ ప్రాంతాన్ని రెడ్​జోన్​గా ప్రకటించినట్లు కమిషనర్ శ్రావణ్​కుమార్ తెలిపారు.

పశ్చిమగోదావరి జిల్లా జంగారెడ్డిగూడెంలోని అయ్యన్న కాలనీలో ఓ వ్యక్తికి కరోనా పాజిటివ్ వచ్చింది. ఆ వ్యక్తి కొన్ని రోజులుగా అనారోగ్యంగా ఉండటంతో ఇటీవల విజయవాడ మణిపాల్ ఆస్పత్రికి తీసుకెళ్లారు. అక్కడ అన్ని పరీక్షలతో పాటు కరోనా పరీక్షలు చేశారు.

బుధవారం కరోనా పాజిటివ్ రావటంతో పురపాలక, రెవెన్యూ అధికారులు అప్రమత్తమయ్యారు. ఆ వ్యక్తిని ఏలూరు కొవిడ్ ఆస్పత్రికి తరలించగా... అయ్యన్న కాలనీ ప్రాంతాన్ని రెడ్​జోన్ గా ప్రకటించినట్లు కమిషనర్ శ్రావణ్ కుమార్ తెలిపారు.

ఇదీ చదవండి: పంటకాలువలో పడి చిన్నారి మృతి