కరోనాపై పోరుకు నరసాపురం జైన సంఘం సభ్యులు విరాళం
కరోనాపై పోరుకు నరసాపురం జైన సంఘం సభ్యులు సీఎం, పీఎం సహాయ నిధులకు రూ.10 లక్షల విరాళాన్ని అందజేశారు. అందుకు సంబంధించిన చెక్కును స్థానిక ఎమ్మెల్యే ముదునూరి ప్రసాదరాజుకు అందించారు. కరోనా నేపథ్యంలో ప్రతి ఒక్కరూ సేవా భావం కలిగి ఉండాలని... కష్టకాలంలో ఉన్న వారిని ఆదుకునేందుకు ముందుకు రావాలని ఎమ్మెల్యే కోరారు. ఈ సందర్భంగా నరసాపురం జైన సంఘం సభ్యులు ముందుకొచ్చారు. సీఎం, పీఎం సహాయ నిధులకు చెరో రూ.5 లక్షల చొప్పున విరాళం ప్రకటించారు. అనంతరం నరసాపురం నియోజకవర్గంలో కరోనా నివారణకు విధులు నిర్వహిస్తున్న పలు శాఖల సిబ్బంది 1200 మందికి ఆహార పొట్లాలను అందజేశారు.