పశ్చిమ గోదావరి జిల్లా నరసాపురంలోని పట్నం పంజా సెంటర్ కు చెందిన దామోదర్ రాము(48)... అనారోగ్యంతో బుధవారం మృతి చెందాడు. కిరాణా వ్యాపారిగా రాము అందరికీ సుపరిచితుడు. అతని మరణ వార్త బంధువులకు, మిత్రులకు, తోటి వ్యాపారులకు తెలిసినా.. రెడ్ జోన్ ప్రాంతం కావడం వల్ల ఎవరూ వెళ్లలేకపోయారు.
ఆ ప్రాంతంలోనే ఉండే ముస్లిం యువకులు విషయాన్ని తెలుసుకుని... రాము అంతిమ కార్యక్రమం నిర్వహించేందుకు ముందుకు వచ్చారు. ఆయన మృతదేహానికి పాడె కట్టి శ్మశానం వరకూ హిందూ సంప్రదాయం ప్రకారమే మోసుకు వెళ్లారు. మానవత్వాన్ని చాటుకున్నారు. రాము తండ్రి తలకొరివి పెట్టి అంత్యక్రియలు పూర్తి చేశారు.