man killed a woman: మద్యం తాగడానికి డబ్బులు ఇవ్వలేదని సహజీవనం చేస్తున్న మహిళను కొట్టి చంపిన సంఘటన పశ్చిమ గోదావరి జిల్లా మొగల్తూరులో జరిగింది. మొగల్తూరుకి చెందిన నంగిన లక్ష్మి భర్త చనిపోవడంతో కొంత కాలంగా అదే గ్రామానికి చెందిన నక్కా పోతూరాజుతో ఆదర్శనగర్లో సహజీవనం సాగిస్తోంది. వివాహితుడైన పోతురాజు తరచు మద్యం తాగేందుకు డబ్బుల కోసం లక్ష్మిని కొడుతూ గొడవపడేవాడు.
ఇదే క్రమంలో స్థానికులు హెచ్చరించినా రాజు తన ప్రవర్తన మార్చుకోలేదు శుక్రవారం మద్యం కోసం డబ్బులు ఇవ్వలేదని లక్ష్మిని తీవ్రంగా కొట్టి నెట్టివేయడంతో తల గోడకు బలంగా తగిలి స్పృహ తప్పింది. స్థానికులు రాజును పట్టుకునేందుకు ప్రయత్నించగా పరారయ్యాడు. అపస్మారక స్థితిలో ఉన్న లక్ష్మీని నరసాపురం ప్రభుత్వాసుపత్రికి తరలించగా చికిత్స పొందుతూ శనివారం ఉదయం మృతి చెందింది. కేసు నమోదు చేసుకున్న పోలీసులు పరారైన నిందితుడు పోతురాజు కోసం గాలిస్తున్నారు.
ఇవీ చదవండి:
