పశ్చిమగోదావరి జిల్లా వీరవాసరంలో.. విధి నిర్వహణలో ఉన్న ఏఎస్ఐ పార్థసారథిపై కత్తితో దాడి చేసిన యువకుడు అరుణ్ కుమార్ను పోలీసులు అరెస్ట్ చేశారు. వీరవాసరం-మత్స్యపురి మార్గంలో అరుణ్ కుమార్, గోపి కిషోర్ అనే ఇద్దరి మధ్య పొలం విషయంలో గొడవ జరుగుతుందన్న సమాచారంతో.. ఏఎస్ఐ పార్థసారధి, కానిస్టేబుల్ మూర్తి అక్కడికి వెళ్లారు.
ఇద్దరి మధ్య వివాదం పెరగడంతో అరుణ్.. గోపిపై కత్తితో దాడికి పాల్పడ్డాడు. ఈ సమయంలో అడ్డుకున్న ఏఎస్సై పార్థసారథిపై అరుణ్ కుమార్ విచక్షణారహితంగా కత్తితో దాడి చేసి.. తీవ్రంగా గాయపరిచాడు. చికిత్సా నిమిత్తం ఏఎస్సై పార్థసారథిని ఓ ప్రైవేట్ ఆస్పత్రికి తరలించారు. దాడి చేసిన అరుణ్ కుమార్పై కేసు నమోదు చేసి అరెస్టు చేసినట్లు నరసాపురం డీఎస్పీ వీరాంజనేయరెడ్డి తెలిపారు.