కరోనా నియంత్రణపై తణుకులో చర్యలు
కరోనా వైరస్ నివారణలో భాగంగా పశ్చిమ గోదావరి జిల్లా తణుకులో లాక్డౌన్ను కట్టుదిట్టంగా అమలు చేస్తున్నారు. పరిస్థితుల దృష్ట్యా పోలీసులు పట్టణ ప్రజల సంచారాన్ని ఎక్కడికక్కడ పరిమితం చేస్తున్నారు. గ్రామీణ ప్రాంతాల నుంచి వచ్చే ప్రజలను సైతం నిరోధించేలా.. పట్టణం అన్ని వైపులా రహదారులను మూసి వేస్తున్నామని పోలీసులు ప్రకటించారు. నిత్యావసర వస్తువులకు ఆటంకం లేకుండా చూస్తామని పట్టణ సీఐ చైతన్య కృష్ణ తెలిపారు. ప్రజలూ తమ విధి నిర్వహణకు సహకరించాలని కోరారు.