నరసాపురంలో కొనసాగుతున్న సంపూర్ణ లాక్​డౌన్

పశ్చిమ గోదావరి జిల్లా నరసాపురంలో సంపూర్ణ లాక్​డౌన్ కొనసాగుతుంది. కరోనా పాజిటివ్ కేసులు ఎక్కువగా నమోదు అవుతుండటంతో... లాక్​డౌన్​ను కఠినంగా అమలు చేస్తున్నారు. అత్యవసరాలు మినహా అన్ని దుకాణాలు మూతలు పడ్డాయి.

కరోనా వైరస్ వ్యాప్తి అధికంగా ఉన్న పశ్చిమ గోదావరి జిల్లా నరసాపురం నియోజకవర్గంలో సంపూర్ణ లాక్​డౌన్ కొనసాగుతుంది. పాలకేంద్రాలు, మందులు దుకాణాలు మినహా ఇతర దుకాణాలన్నీ మూతపడ్డాయి. పెట్రోల్ బంకులు సైతం మూసివేశారు. ఉదయం 6 గంటల నుంచి 11 గంటల వరకు మాత్రమే దుకాణాలు తెరిచేందుకు అనుమతులు జారీ చేశారు. అత్యవసరం అయితే తప్ప ఇళ్ల నుంచి ప్రజలు బయటకు రావొద్దని అధికారులు సూచిస్తున్నారు. కరోనా వైరస్ వ్యాప్తి పట్ల అందరూ అప్రమత్తంగా ఉండాలనీ... ప్రభుత్వ ఆదేశాలు పాటించాలని విజ్ఞప్తి చేశారు.

ఇదీ చదవండి:నరసన్నపాలెం వద్ద పట్టుబడిన గంజాయి లారీ