జనసేన అధినేత పవన్ కల్యాణ్.. నేడు పశ్చిమగోదావరి జిల్లా నరసాపురంలో పర్యటించనున్నారు. నరసాపురంలో జరిగే మత్స్యకార మహాసభకు ఆయన హాజరుకానున్నారు. ఇందుకోసం.. ఉదయం 10గంటలకు రాజమహేంద్రవరం విమానాశ్రయం చేరుకుంటారు. అక్కడి నుంచి నరసాపురం వెళ్లి మధ్యాహ్నం జరిగే సభలో పాల్గొంటారు.
ఈ క్రమంలో పవన్ రాక వేళ.. పార్టీ నేతలు సభకు ఏర్పాట్లు చేశారు. గతంలోనే ఈ భారీ బహిరంగ సభ నిర్వహించాలని ప్రణాళిక సిద్ధం చేసినా.. కొవిడ్ కారణంగా చివరి నిమిషంలో ఆగిపోయింది.