ఏలూరులో పొక్సో న్యాయస్థానాన్ని ప్రారంభించిన హైకోర్టు న్యాయమూర్తి

పశ్చిమగోదావరి జిల్లాలో ఏర్పాటు చేసిన పోక్సో న్యాయస్థానాన్ని హైకోర్టు న్యాయమూర్తి ప్రారంభించారు. మహిళలు, బాలికలపై పెరుగుతున్న లైంగిక వేధింపుల కేసుల సత్వర పరిష్కారానికి ఈ కోర్టు ఎంతో దోహదం చేస్తుందని ఆయన తెలిపారు.

పశ్చిమ గోదావరి జిల్లా ఏలూరులో పొక్సో న్యాయస్థానాన్ని హైకోర్టు న్యాయమూర్తి దుర్గాప్రసాద్ ప్రారంభించారు. కోర్టు భవనాన్ని పరిశీలించిన అనంతరం ఆవరణంలో మొక్కలు నాటారు. నగరంలోని కోట దిబ్బ ప్రాంతంలో నూతనంగా ఈ కోర్టు భవనాన్ని నిర్మించారు.

తక్కువ సమయంలో కోర్టు భవనాన్ని నిర్మించేందుకు కృషిచేసిన జిల్లా జూడిషియల్ సిబ్బందికి అభినందనలు తెలిపారు. మహిళలు, బాలికలపై పెరుగుతున్న లైంగిక వేధింపుల కేసుల సత్వర పరిష్కారానికి ఈ కోర్టు ఎంతో దోహదం చేస్తుందని న్యాయమూర్తి దుర్గా ప్రసాద్ అన్నారు.

ఇదీ చదవండి:ద్వారకా తిరుమల క్షేత్రాన్ని సందర్శించిన మంత్రి శ్రీ రంగనాథరాజు