పశ్చిమగోదావరి జిల్లా జంగారెడ్డిగూడెం ఆర్డీవో కార్యాలయం వద్ద రైతులు ఆందోళన చేపట్టారు. గ్రీన్ ఫీల్డ్ జాతీయ రహదారి నిర్మాణంలో భూములు కోల్పోతున్న తమకు నిబంధనల ప్రకారం నష్టపరిహారం ఇవ్వాలని డిమాండ్ చేశారు. ఈ విషయమై పంగిడిగూడెం, పేరంపేట అన్నదాతలు ధర్నాకు దిగారు.
ఒక్కొక్క ప్రాంతంలో ఒక్కొక్క ధర ఇస్తున్నారని, రైతులందరినీ సమానంగా చూడాలన్నారు. ఎకరాకు రూ. 40 లక్షలు ఇస్తే ఆందోళన విరమిస్తామని తెలిపారు. కొయ్యలగూడెం మండలం ఎర్రంపేట, రాజవరంలో ఇదే అంశంపై నిరసన దీక్షలు సాగాయి.