క్రికెట్ బెట్టింగ్ గుట్టురట్టు... ఇద్దరు అరెస్ట్

వరల్డ్​కప్ ప్రారంభమైంది. క్రికెట్ బెట్టింగ్ ఊపందుకుంది. పల్లె నుంచి పట్టణం వరకూ బెట్టింగ్ జోరుగా సాగుతోంది. భీమవరంలో ఓ ఇంట్లో జరుగుతున్న బెట్టింగ్​ను పోలీసులు రట్టు చేశారు.

పశ్చిమ గోదావరి జిల్లా భీమవరంలోని ఒకటో పట్టణ పరిధిలోని ఓ ఇంట్లో నిర్వహిస్తున్న క్రికెట్ బెట్టింగ్​పై పోలీసులు దాడి చేశారు. కుమారస్వామి, కొత్త శ్రీనివాస్ అనే ఇద్దరు వ్యక్తులను అదుపులోకి తీసుకున్నారు. వారి నుంచి రూ. 25వేలు నగదు, ఒక ఎల్ఇడి టీవీ, నాలుగు సెల్​ఫోన్లు స్వాధీనం చేసుకున్నారు. క్రికెట్ బెట్టింగ్ వల్ల చాలా మంది అప్పులపాలై జీవితాలను నాశనం చేసుకుంటున్నారని సీఐ చంద్రశేఖర్ అన్నారు. భీమవరం పట్టణంలో ఎవరైనా క్రికెట్ బెట్టింగ్​కు పాల్పడితే వివరాలను పోలీసులకు తెలియజేయాలని ఆయన కోరారు.