పోలీసు స్టేషన్​లో కరోనా కలకలం..!

మద్యం అక్రమ రవాణా కేసులో అరెస్టైన నిందితులకు కరోనా సోకటంతో పశ్చిమగోదావరి జిల్లా జంగారెడ్డిగూడెం పోలీస్ స్టేషన్​లో అలజడి నెలకొంది. అప్రమత్తమైన అధికారులు స్టేషన్ ప్రాంగణాన్ని సోడియం హైపోక్లోరైట్ ద్రావణంతో పిచికారీ చేశారు.

పశ్చిమ గోదావరి జిల్లా జంగారెడ్డిగూడెం పోలీస్ స్టేషన్​లో కరోనా అలజడి నెలకొంది. మద్యం అక్రమ రవాణా కేసులో అరెస్టైన కృష్ణా జిల్లా బంటుమిల్లి స్పెషల్ ఎన్​ఫోర్స్​మెంట్ బ్యూరో సీఐ హను శ్రీ, ఆర్​ఎస్ఐ విజయ్ కుమార్, డ్రైవర్ కమల్ సంతోశ్​లకు కరోనా పాజిటివ్ నిర్ధారణ అయింది. చింతలపూడి మండలం లింగగూడెంలో గురువారం అక్రమ మద్యం తరలిస్తూ వీరు పట్టుబడ్డారు. వీరిని రిమాండ్​కు తరలించే క్రమంలో పరీక్షలు నిర్వహించగా వైరస్ సోకినట్లు వెల్లడైంది. దీంతో పోలీసు స్టేషన్​లో అలజడి నెలకొంది. అప్రమత్తమైన అధికారులు స్టేషన్ ప్రాంగణాన్ని సోడియం హైపోక్లోరైట్ ద్రావణంతో పిచికారీ చేశారు.