జిల్లాలో రోజురోజుకి పెరుగుతున్న వైరస్ వ్యాప్తి

పశ్చిమ గోదావరి జిల్లాలో రోజురోజుకి కరోనా వైరస్ వ్యాప్తి పెరుగుతోంది. తాజాగా జిల్లాలో 9 పాజిటివ్ కేసులు నమోదైనట్లు అధికారులు వెల్లడించారు.

పశ్చిమ గోదావరి జిల్లాలో కొవిడ్-19 పాజిటివ్ కేసులు ఎక్కువవుతున్నాయి. గడిచిన 24 గంటల్లో 9 పాజిటివ్ కేసులు నమోదైనట్లు అధికారులు వెల్లడించారు. దీంతో జిల్లాలో కరోనా పాజిటివ్ కేసుల సంఖ్య 152కి చేరుకుంది. వీరిలో 58 మంది డిశ్చార్జ్ కాగా, 94 మంది కొవిడ్ ఆసుపత్రుల్లో చికిత్స పొందుతున్నారు. జిల్లాలో గత 4 రోజులుగా పాజిటివ్ కేసులు పెరుగుతూనే ఉన్నాయి.

• జిల్లాలో తాజాగా కరోనా పాజిటివ్ కేసులు వచ్చిన ప్రాంతాలు

చెరుకువాడ 10

ఏలూరు 6

తణుకు, వీరవాసం, జీలుగుమిల్లి ప్రాంతాల్లో ఒక్కో కేసు నమోదయ్యింది.

జిల్లాలో ఇప్పటివరకు 32,419 మందికి పరీక్షలు నిర్వహించగా, 28,952 మందికి నెగిటివ్​గా నివేదిక వచ్చినట్లు వెల్లడించారు. 3,315 పరీక్షల ఫలితాలు ఇంకా తెలియాల్సి ఉంది. కరోనా పాజిటివ్ వచ్చిన ప్రాంతాలను రెడ్​జోన్లుగా ప్రకటించి, ప్రజలను ఇళ్ల నుంచి బయటకు రాకుండా పోలీసులు చర్యలు తీసుకుంటున్నారు.

ఇదీ చదవండి:'స్పిరిట్ చావులకు పెరిగిన మద్యం ధరలే కారణం'