మున్సిపల్ ఎన్నికల్లో ఘన విజయం సాధించిన వైకాపాలో.. గ్రూపు రాజకీయాలు మొదలయ్యాయి. పశ్చిమ గోదావరి జిల్లా జంగారెడ్డిగూడెం మున్సిపల్ ఛైర్మన్ ఎంపికపై.. పార్టీలో క్యాంపు రాజకీయాలు షురూ అయ్యాయి.
ప్రముఖ ప్రజాప్రతినిధి.. 17 మంది కౌన్సిలర్లతో అజ్ఞాతంలోకి వెళ్లినట్టు తెలుస్తోంది. ఆ కౌన్సిలర్ల ఫోన్లు స్విచ్ ఆఫ్ వస్తున్నాయి. ఛైర్మన్ ఎంపికలో ఓ కేంద్ర స్థాయి ప్రజాప్రతినిధి పావులు కదుపుతున్నట్లు సమాచారం. 25 వార్డుల్లో గెలిచిన వైకాపాకు.. ఆధిక్యం ఉన్నా ఇద్దరు ప్రజాప్రతినిధుల విభేదాలతో క్యాంపు రాజకీయాలు కలకలం సృష్టిస్తున్నాయి.